Skilmálar

Pantanir

Þegar pöntun kemur í hús í gegnum tölvupóst eru greiðsluupplýsingar sendar til kaupanda. Þegar greiðsla hefur borist fer pöntunin í gang og berst kaupanda við fyrsta tækifæri.

Afhendingartími

Afhendingartími er að jafnaði 3–5 virkir dagar eftir að pöntun berst og greiðsla hefur átt sér stað. Varan er sótt af kaupanda hjá Hæ Blóm, í Efstalandi 26, 108 Reykjavík, í Grímsbæ við Bústaðaveg. Það er líka hægt að senda vöruna með pósti en þá verður móttakandi að greiða fyrir sendinguna.

Verð

24% virðisaukaskattur er innifalinn í verði vörunnar. Öll verð eru birt með fyrirvara um myndbreng­l eða prentvillur og áskilur Hæ Blóm sér rétt til að hætta við viðskipti hafi rangt verð verið gefið upp. Ef varan er ófáanleg er kaupandinn látinn vita og endurgreiðsla á sér stað, sé þess óskað.

Skilafrestur og endurgreiðsluréttur

Vörum sem eru keyptar í verslun eða pantaðar af netinu er hægt að skila innan 14 daga og fá endurgreiðslu. Skilyrði er að varan sé óskemmd í upprunalegum umbúðum og kvittun um millifærslu fylgi.

Skilaréttur gildir ekki um:

• Fersk afskorin blóm.

• Aðrar ferskvörur (s.s. plöntur, lifandi efni eða vörur með takmarkaðan líftíma).

• Sérpantanir eða sérsniðnar vörur, nema um galla sé að ræða.

Sendingarkostnaður er ekki endurgreiddur. Viðskiptavinir skulu bera beinan kostnað af því að skila vöru. Viðskiptavinir skulu tilkynna um ákvörðun sína um að falla frá samningi með ótvíræðri yfirlýsingu þar um innan 14 daga frestsins, en það er m.a. hægt að gera með því að senda tölvuskeyti á netfangið haeblom(hjá)haeblom.is eða senda Hæ Blóm staðlað uppsagnareyðublað sem er að finna á vef Neytendastofu, www.neytendastofa.is (þar sem jafnframt er að finna frekari upplýsingar um skilarétt), en í kjölfarið skal Hæ Blóm láta viðskiptavini í té kvittun fyrir móttöku uppsagnarinnar.

Vakin er athygli á því að sönnunarbyrði um að réttur til að falla frá samningi sé nýttur í samræmi við ákvæði 19. gr. laga um neytendasamninga nr. 16/2016 hvílir á viðskiptavininum, sbr. g-liður 1. mgr. 5. gr. laganna.

Viðbót í skilmála – hreinlæti og plöntuheilsa

Af hollustu-, hreinlætis- og plöntuverndarsjónarmiðum er ekki unnt að taka við skilum eða endurkomu á blómaefni, hvort sem um ræðir ferskt eða þurrkað, sem hefur verið utan verslunarumhverfis Hæ Blóms eftir afhendingu.

Þetta á m.a. við um vörur sem kunna að bera með sér smit, meindýr eða aðra óæskilega örveru, sem geta haft neikvæð áhrif á fersk afskorin blóm, plöntur og annað lifandi efni í versluninni.

Af þessum sökum gildir skilaréttur ekki um:

• Fersk afskorin blóm.

• Plöntur og aðrar ferskvörur.

• Þurrkað blómaefni eða náttúruleg efni sem hafa verið utan verslunarumhverfis í lengri tíma.

Undantekning er einungis gerð ef um gallaða vöru við afhendingu er að ræða.

Greiðslur

Í boði eru greiðslumöguleikar með millifærslu eða í gegnum greiðslukerfi Shopify. Millifært er inn á reikning 0357-26-816 á kennitölu Hæ Blóms ehf.: 451124-1450.

Þegar greitt er með millifærslu fær kaupandi sendan tölvupóst með upplýsingum um reikningsnúmer og kennitölu. Pöntun er samþykkt um leið og millifærslan hefur gengið í gegn. Ef ekki er greitt innan þriggja daga telst pöntun ógild.

Til þess að auðvelda og til að staðfesta millifærslu mælum við með því að senda kvittun úr heimabanka á haeblom(hjá)haeblom.is með pöntunarnafni sem skýringu.

Lög og varnarþing

Um þjónustuviðskipti gilda skilmálar sem skilgreindir eru í lögum um húsgöngu- og fjarsölusamninga nr. 46/2000 og lögum um þjónustukaup nr. 42/2000.

Annað

Heitið er fullum trúnaði við viðskiptavini og ekki eru afhentar upplýsingar til þriðja aðila.

Engin leyfi eða önnur réttindi eru gefin í gegnum vefinn til nýtingar á hugverkum sem eru innan hans, þ.m.t. vörumerkjum. Afritun, dreifing, eftirprentun, áframsending og önnur notkun á þessum vernduðu hugverkum er ekki heimil án skriflegs samþykkis.

Annað efni má heldur ekki afrita, dreifa, breyta eða birta þriðja aðila. Sérstaklega á þetta við um notkun texta, textabrota eða sjónræns efnis sem krefst samþykkis eiganda Hæ Blóms.